STEWART HALL AENDELEA KUYAFANYIA KAZI "MATATIZO" YA MAPINDUZI, AZAM FC NI KAZI TU

Kocha Mkuu wa Azam FC, Stewart Hall amesema ameamua kukiimarisha kikosi chake kwa mazoezi zaidi ya stamina.

Azam FC wamefanya mazoezi mfululizo yakiwemo yale ya ufukweni na Stewart amesisitiza ilikuwa ni lazima kufanya hivyo.

“Unapocheza mashinda, mfano Mapinduzi ukashinda au kutolewa, lazima utaona kuna upungufu wa jambo fulani. Benchi la ufundi kuna matatizo tuliyaona na tumeyafanyia kazi.

“Tunajua tunarejea Ligi Kuu Bara ambako kuna ugumu, lazima tujiandae vizuri zaidi. Ndiyo maana baada ya kutolewa Mapinduzi, nilisema tunaangalia mbele na ndicho tunachofanya sasa,” alisema Hall raia wa Uingereza.