MAN CITY YABEBA KOMBE LA CAPITAL ONE IKIITANDIKA LIVERPOOL KWA MIKWAJU YA PENALTI

Man City imetawazwa kuwa bingwa wa Kombe la Capital One baada ya kuifunga Liverpool kwa mabao 3-1 kwa mikwaju ya penalti.

Mechi hiyo ilimalizika kwa sare ya bao 1-1 katika dakika 90, Liverpool wakisawazisha mwishoni kupitia Coutinho.

Dakika 30 za ziada, nazo zilikuwa na ushindani mkali katika mechi hiyo iliyopigwa kwenye Uwanja wa Wembley lakini hakuna aliyefanikiwa kupata bao.

Baada ya hapo, ikaamua mikwaju ya penalti na Coutinho, Adam Lallana na Lucas wakapoteza kwa Liverpool huku Emre pekee akifunga.

Kwa upande wa City, Kun Aguero, Jesus Navas na Yaya Toure wakamaliza kazi baada ya Fernandinho kukosa.