YANGA YATUA PEMBA KUANZA KAMBI YA KUIWINDA AZAM FC JUMAPILI

Mabingwa wa soka Tanzania, Yanga wametua salama mjini Pemba, tayari kuanza kambi hadi Jumamosi.

Yanga itakuwa kambini kwa siku sita kujiandaa na mechi yao dhidi ya Azam FC, Jumapili ijayo.

Mkuu wa kitengo cha habari cha Yanga, Jerry Muro amesema kambi hiyo inayoonekana kuwa na baraka kwa Yanga, ni maalum kwa ajili ya mechi hiyo na nyingine zifuatazo.

“Kambi ni sehemu ya maandalizi makuu dhidi ya Azam FC, lakini ujue ligi bado inaendelea,” alisema Muro.

Yanga iliweka kambi mjini Pemba na kufanikiwa kuimaliza Simba kwa mabao 2-0.

Inaonekana sasa imejenga imani kubwa na kambi hiyo ambayo wamekuwa wakiiweka mara kwa mara.