MAYANJA KUITUMIA MECHI YA NDANDA FC LEO KAMA SEHEMU YA DAWA KWA SIMBA

MAYANJA

Kocha Mkuu wa Simba, Jackson Mayanja amesema ili wasiwe na presha ni lazima washinde mechi ya leo ndiyo itakuwa dawa kuu kwao.

Simba inashuka dimbani kwenye Uwanja wa Taifa jijini Dar es Salaam kuwavaa Ndanda FC ambayo iko katika nafasi ya nane ikiwa na pointi 24.

Mayanja amesema, ushindi wa leo utawaondolea presha kwa kuwa watarejea kileleni lakini bado watakuwa na uhakika wa kuendeleza ushindi katika mechi zaidi ya mbili.

“Ukishinda zaidi ya mechi mbili, unajenga hali ya kujiamini. Mechi itakuwa ngumu sana lakini ushindi ni muhimu sana,” alisema.

Simba ina pointi 48 katika nafasi ya pili huku Yanga wakiwa wana pointi 50 wakiwa kileleni. Iwapo Simba itashinda itafikisha 51 na kupaa kileleni.

Hata hivyo, Yanga itakuwa na mchezo mmoja mkononi na Azam FC itakuwa na viporp viwili.