MSUVA, TAMBWE, NGOMA SASA NI MTN, WATIKISA JIJI LA KIGALI KABLA YA YANGA KUIVAA APR

Gumzo la jiji la Kigali ni Yanga dhidi ya wenyeji APR ambao wanajua wanakutana na timu yenye safu kali ya ushambulizi.

Yanga itakwenda Kigali kucheza mechi yake ya kwanza ya hatua ya kwanza ya Ligi ya Mabingwa Afrika dhidi ya APR.

Lakini mashabiki wa soka jijini Kigali, Rwanda, tayari wanaamini Mtanzania, Mrundi na Mzimbabwe ndiyo hatari kwao katika mechi hiyo ya Jumamosi ijayo kwenye Uwanja wa Amahoro.

Simon Msuva, Amissi Tambwe na Donald Ngoma wamepewa jina la MTN, usifikiri ni ile kampuni kubwa ya simu nchini humo badala ni kifupi cha majina yao ya ukoo.

Mashabiki wengi wa mji wa Kigali ambao ni mkubwa kuliko yote Kigali, wanaamini washambuliaji hao watatu watakuwa tatizo katika safu ya ushambulizi ya APR.

APR imevuka kwa kuing’oa Mbabane ya Swaziland kwa jumla ya mabao 4-1 wakati Yanga imeondoa Cercle de Joachim ya Mauritius.