 |
| LYANGA (KULIA) AKIPAMBANA NA AZIZ GILLA WA MGAMBO. |
Mshambuliaji nyota wa zamani wa Yanga, Edibily Lunyamila amesema Danny Lyanga ni mmoja wa washambuliaji bora nchini lakini anahitaji kujitambua.
Lunyamila amesema Lyanga ana nguvu na kasi, pia ana uwezo mzuri wa kutulia anapofika langoni, lakini bado anatakiwa kuongeza umekini.
“Ukiwa mshambuliaji mwenye papara hauwezi kupata mafanikio. Hauwezi kufanya unachotaka, Lyanga bado anahitaji kujitambua,” alisema.
Lunyamila amesema moja ya mambo anayotakiwa kufanya ni kuhakikisha anazitumia nafasi anazopata vizuri.
“Ukitumia nafasi nyingi, maana yake utafunga mabao mengi zaidi. Lyanga kidogo amekuwa na haraka lakini akitulia ni mtu hatari sana.”
Lyanga alianza kwa kasi na kuonekana ni hatari na tegemeo Simba. Lakini kasi yake imekuwa ikishuka kadiri siku zinavyosonga mbele.
0 COMMENTS:
Post a Comment