SIMBA WAITAMBIA YANGA MAPEMAA, IKIPANDA KILELENI NAO WATAISHUSHA TENA

Simba wamewapa Yanga taarifa, kwamba kama watashinda leo na kuwashusha kileleni, basi wajue watashushwa tena.

Yanga inashuka leo kwenye Uwanja wa Taifa jijini Dar kuivaa African Sports.

Simba iko kileleni mwa Ligi Kuu Bara ikiwa na pointi 48, ikifuatiwa na Yanga na Azam katika nafasi ya pili na tatu kila moja ikiwa na pointi 47.

Mwenyekiti wa Matawi wa Simba, Ustaadhi Masoud amesema hawana hofu hata kidogo na papara ya watani wao kutaka kuwaondoa kileleni. 

“Tunajua wamepania sana, lakini sisi tutaendelea kuwa watulivu. Wakitushusha basi zamu yetu itafuatia,” alisema Ustaadhi.

“Mechi bado zinaendelea na sisi kileleni ndiyo tulikuwa tunataka kukaa, watatushusha, halafu mechi inayofuata tutachukua nafasi yetu.”