TAIFA STARS WATUA USIKU WA MANANE NA KUPOKEWA NA WAZIRI MWAKYEMBE

Kikosi cha Taifa Stars kimewasili nchini na kupokelewa na Waziri wa Habari, Utamaduni, Sanaa na Michezo, Dk Harisson Mwakyembe.

Dk Mwakyembe aliwapokea Stars ambao wamewasili leo saa 9:30 alfajiri wakitokea Afrika Kusini walipokwenda kushiriki michuano ya Cosafa.

Stars wamefanikiwa kushika nafasi ya tatu baada ya kuing’oa Lesotho kwa mikwaju ya penalti katika mechi ya kusaka mshindi wa tatu.