OKWI AMEANZA KUJIFUA KWAO UGANDA AKISUBIRI KUREJEA DIMBANI MSIMBAZI

OKWI AKIWA UWANJANI KATIKA MAZOEZI YA SIMBA WAKATI AKIWA NCHINI.

Kiungo mshambuliaji wa Simba, Emmanuel Okwi ameanza kujifua taratibu kwao nchini Uganda.

Okwi alikuwa majeruhi kwa muda sasa, ameanza mazoezi akiwa bado Uganda.

Taarifa za kutoka ndani ya Simba, zimeeleza, Okwi tayari amewasiliana na daktari wa Simba na kumueleza anavyoendelea.

"Tayari ameanza mazoezi akiwa kwao Uganda. Yatakuwa ni maandalizi ya taratibu akijiandaa kurejea," kilieleza chanzo.

Kwa sasa Okwi ndiye mshambuliaji anayeongoza kwa kupachika mabao katika Ligi Kuu Bara akiwa na mabao nane.