VIDEO MTANDAONI YAANZISHA MJADALA WA MSHAMBULIAJI MPYA SIMBA

Mshambuliaji mpya wa Simba, Dayo Domingues amezua mjadala mkubwa mtandaoni baada ya video yake kusambazwa.

Video ya Dayo imesambazwa mitandaoni na kuonyesha akicheza mechi mbalimbali akiwa na timu yake ya Ferreviario ya Msumbuji.

Baada ya video hiyo, mjadala mkubwa umezuka mitandaoni kwamba kama kweli ni mshambuliaji mkali kama ambavyo imekuwa ikielezwa.

Mbali na hivyo, wako wamekuwa wakihoji kama ni mshambuliaji au wingi kwa kuwa katika video hiyo anaonekana anatokea pembeni kulia.

Lakini wako ambao wamekuwa wakimsifia kutokana na kuonekana ni mwenye kasi.

Simba imemsajili Domingues katika dirisha dogo la usajili ili kuongeza nguvu.

.