Mwenyekiti wa zamani wa Simba, Hassan Dalali amesema alishangazwa kuona mchezaji Simba licha ya timu yake kufungwa, yeye anakwenda jukwani na kusikiliza muziki wa Diamond au Ali Kiba.
Dalali ambaye ni maarufu kama Field Marshal, anaonekana kukerwa na ile tabia ya kiungo wa Simba, Shiza Kichuya kususa kukaa kwenye benchi.
Kichuya alisusa kukaa kwenye benchi baada ya kubadilishwa wakati Simba ikiivaa URA katika mechi ya nusu fainali ya Kombe la Mapinzudi.
Badala yake akapanda jukwaani na kukaa akisikiliza muziki huku akionekana ni mwenye hasira. Ingawa haikujulikana alikuwa akisikiliza muziki upi, lakini Dalali anaonekana alikuwa akitolea mfano.
"Simba ina miiko yake, waambie wanapaswa kuiheshimu na si sawa hata kidogo kwa kile walichokifanya wachezaji wa Simba walioonekana hawana nidhamu.
"Simba imefungwa mchezaji anapanda jukwaani kusikiliza muziki wa Ali Kiba, sijui muziki wa Chambua Karanga wa Diamond, hii haiwezekani," alisema.
0 COMMENTS:
Post a Comment