WACHEZAJI AZAM FC KUPUMZISHWA KABLA YA KUIVAA URA FAINALI

Wachezaji wa Azam FC watapumzishwa siku moja kabla ya kuivaa URA ya Uganda keshokutwa kwenye Uwanja wa Amaan, Zanzibar katika mechi ya fainali ya Kombe la Mapinduzi.

Azam FC imetinga fainali ya Kombe la Mapinduzi baada ya kuitwanga Singida United kwa bao 1-0. Fainali itapigwa keshokutwa kwenye Uwanja wa Amaan.

Kocha Msaidizi wa Azam FC, Iddi Cheche amesema watafanya mazoezi mepesi.

“Tutafanya mazoezi mepesi kwa kuwa mechi haiko mbali na muda huo tutautumia kufanya marekebisho madogomadogo kabla ya mechi ya fainali,” alisema.

“Pia tutawapa wachezaji mapumziko wakati wakisubiri mechi hiyo ili kuhakikisha wanakuwa fiti kabisa.”