YANGA WAREJEA DAR ES SALAAM, MASHABIKI KADHAA WALIJITOKEZA KUWAPOKEA

Kikosi cha Yanga kimerejea jijini Dar es Salaam ikiwa ni siku moja baada ya kung’olewa katika michuano ya Kombe la Mapinduzi.

Yanga ilitolewa na URA ya Uganda kwa kufungwa mabao 5-4 ya mikwaju ya penalti baada ya dakika 90 kwisha kwa sare ya bila mabao.

Wachezaji hao walitua bandarini jijini Dar es Salaam na kupokelewa na basi la klabu hiyo ambalo hutumiwa na kikosi kikubwa cha Yanga.