MASAU BWIRE ATAMBA, RUVU SHOOTING ITAMALIZA LIGI KUU BARA IKIWA NAFASI YA TANO

Msemaji wa Ruvu Shooting, Masau Bwire amesema timu yake itawashangaza wengi kwa kumaliza Ligi Kuu Bara katika nafasi ya tano.

Masau ameyasema hayo wakati akifanya mahojiano na kipindi cha SPOTI HAUSI kinachorushwa na runinga ya Global Tv Online.

“Tuna uhakika wa kubaki Ligi Kuu Bara tofauti na wengine wanavyofikiria, lakini nikuhakikishie hata nafasi ya tano tunaweza kushika.

“Ukiangalia kati yetu na aliye katika nafasi hiyo au hata kileleni, si pointi nyingi za kutisha, sisi tutamaliza tukiwa nafasi ya tano na inawezekana,” alisema Masau akionekana kujiamini.