RASMI SAID NDUDA AREJEA MAZOEZI SIMBA, AJIFUA NA WENZAKE

Kipa bora wa michuano ya Cosafa, Said Mohamed maarufu kama Nduda, leo ameanza rasmi mazoezi na wenzake.

Nduda ameanza mazoezi na kikosi cha Simba ambacho kilikuwa kinajifua leo kwenye Uwanja wa Boko Veterans.

Nduda hajawahi kuichezea Simba katika mechi za mashindano tokea ajiunge nayo msimu huu baada ya kuumia.

Alipelekwa nchini India ambako alifanyiwa upasuaji, aliporejea nchini alipata mapumziko kabla ya kurejea mazoezi akifanya mazoezi binafsi.