YANGA WALIA KUZUIWA KUFANYA MAZOEZI UWANJA WA TAIFA

Uongozi wa Yanga umelia na uongozi wa Uwanja wa Taifa kwa kuwazuia kufanya mazoezi kwenye uwanja huo.

Yanga ilistahili kufanya mazoezi katika uwanja huo siku mbili kabla ya mechi yao dhidi ya St Louis ya Shelisheli.

Yanga itawavaa St Louis katika mechi ya Ligi ya Mabingwa Afrika itakayopigwa kwenye Uwanja huo, Jumamosi.

Lakini leo, kikosi hicho kilizuiwa kufanya mazoezi na kulazimika kutafuta uwanja mwingine hadi walipopata ule wa Polisi Kilwa.

Msemaji wa Yanga, Dismas Ten amesema waliwasiliana na meneja wa uwanja huo, ambaye alikataa katakata.

“Alisema sisi uwanja tumeuzoea, jambo ambalo halikuwa sahihi hata kidogo, tumeshangazwa sana na hili kwa kuwa sisi ni wawakilishi wa Tanzania,” alisema.