KAULI YA MKWASA KUHUSIANA NA DONALD NGOMA KUSHIRIKI MAZOEZI NA WENZAKE JUMATATU HII HAPA

Kikosi cha Yanga kinarejea mazoezini Jumatatu ya wiki hii baada ya mapumzika ya siku kadhaa kupewa na uongozi wa timu hiyo.

Kupitia kipindi cha michezo cha Radio One, Katibu Mkuu wa Yanga, Charles Boniface Mkwasa, amesema kiujumla maandalizi yanaenda vizuri kuelekea mchezo wa Kombe la Shirikisho dhidi ya Singida United.

Mkwasa ameeleza ameeleza kuhusiana na Mshambuliaji wao, Donald Ngoma, ambaye ameripotiwa kujiunga na wenzake Jumatatu kwa kusema anasubiri mpaka siku hiyo ifike na kama atakuwepo basi kila mtu atamuona.

"Tusubiri mpaka Jumatatu ifike, kama atakuwepo kila mtu atamuona" alisema Mkwasa.

Yanga inajiandaa na kibarua cha mchezo wa Kombe la Shirikisho dhidi ya Singida United utakaopigwa April Mosi 2018.