STARS KUWASILI LEO SAA NANE MCHANA

Baada ya kuondoka jana mjini Algiers, Algeria, kikosi cha Taifa Stars kitawasili jijini Dar es Salaam majira ya saa nane mchana leo.

Stars ilikuwa nchini humo kucheza mchezo wa kirafiki dhidi ya Algeria na kukubali kichapo cha mabao 4-1.

Kikosi hicho kinarejea nchini kuendelea na maandalizi ya mchezo mwingine wa kirafiki dhidi ya Jamhuri ya Kidemokrasia ya Congo utakaopigwa Machi 27 2018 kwenye Uwanja wa Taifa.