Kufuatia ushindi wa bao 1-0 dhidi ya Mtibwa Sugar katika Uwanja wa Jamhuri mjini Morogoro jana, mchezaji Paul Bukaba alifanikiwa kuwa mchezaji bora wa mchezo huo upande wa Simba.
Kwa mujibu wa kura zilizopigwa na mashabiki kupitia kurasa za mitandao ya kijamii za klabu hiyo, Bukaba alishinda tuzo hiyo baada ya kuonesha mchango mzuri kwenye mchezo huo wa jana.
Simba ilizidi kujivunia alama kuelekea ubingwa wa ligi ikifikisha alama 52 kwenye ligi, huku watani wao wa jadi Yanga wakiwa na 46.
Wekundu hao wa Msimbazi watakuwa wanaanza maandalizi mengine kwa ajili ya kuikabili Mbeya City katika mchezo ujao wa ligi utakaopigwa Uwanja wa Taifa.
Kijana kajengeka anaumbo la beck hasa. Kwa kuwa Simba SC ni moja ya Taasisi muhimu sana hapa nchini ya kukuza vipaji vya Soka kwa vijana tunatarajia pia kuona nyota ya Bukaba ikin'gaa si mrefu na msaada kwa Simba na Taifa kwa ujumla.
ReplyDelete