MASAU ATAMBA KUWA JANA WALIUPIGA WA KIULAYA, AITAJA YANGA

Msemaji wa klabu ya Ruvu Shooting, Masau Bwire, ameeleza namna walivyorudi nyuma wakiwa nyuma kwa bao moja na kusawazisha kisha kushinda mchezo wa jana dhidi ya Ndanda FC.

Katika mchezo huo uliopigwa Nangwanda Sijaona, Ndanda ndiyo ilikuwa timu ya kwanza kupata bao la mapema kabla ya Ruvu kuanza kusawazisha kisha kupata matokeo.

Akizungumza mara baada ya mchezo kumalizika, Masau amesema kuwa waliupiga mwingi wa kiulayaulaya huku akiitaja Yanga nayo ijiandae kupapaswa pale watakapokutana.

"Tumeupiga wa kiulaya, sisi mwendeo wetu ni wa kupapasa tu, hakuna kumhurumia mtu maana tumezidi kuonyesha kuwa sisi ni bora. Tunawaomba na Yanga wajiandae maana tutakutana nao hivi karibuni" alisema.

Ruvu Shooting ilifanikiwa kuibuka na ushindi wa mabao 3-1 dhidi ya Ndanda FC na kuzidi kupambania tano bora katika msimamo wa ligi.