WAKATI YANGA IKIJIANDAA KUIPA PRESHA SIMBA, LEO INAPIGA TIZI LA MWISHO KUIKABILI MBEYA CITY KESHO

Wakati watani wao wa jadi Yanga wakiwa wana kibarua cha kuikabili Singida United leo, Simba nayo itakuwa inafanya mazoezi ya mwisho kuelekea mchezo wa ligi dhidi ya Mbeya City FC kesho.

Kikosi hicho cha Simba kinajifua kwenye Uwanja wa Boko Veterani uliopo jijini Dar es Salaam leo asubuhi na jioni.

Katika mchezo uliopita dhidi ya Mtibwa Sugar, Simba iliwakosa wachezaji Juuko Murushid, James Kotei na Erasto Nyoni ambao walikuwa wanatumikia adhabu ya kadi 3 za njano kwa kila mmoja.

Tayari wachezaji hao wameshamaliza adhabu hiyo na kesho watakuwa sehemu ya kikosi cha Simba.

Mechi hiyo dhidi ya Mbeya City itapigwa Uwanja wa Taifa jijini Dar es Salaam.