KICHUYA: SIMBA HAIHITAJI KUPOTEZA MSIMU HUU

Na George Mganga

Mshambuliaji wa klabu ya Simba, Shiza Kichuya, amesema kuwa kikosi chao hakihitaji kupoteza mchezo hata mmoja msimu huu.

Kichuya ameeleza kuwa wanaenda mjini Singida kupigania alama tatu dhidi ya Singida united katika mchezo wa ligi utakaopigwa Jumamosi ya wiki hii.

Akizungumza baada ya mazoezi ya leo asubuhi yaliyofanyika kwenye Uwanja wa White Sand jijini Dar es Salaam, Kichuya ameongea kwa msisitizo akieleza kuwa Simba inahitaji alama 9 akimaanisha haihitaji kupoteza mchezo hata mmoja.

Baada ya mechi na Singida United, Simba itarejea jijini Dar es Salaam kwa ajili ya mchezo dhidi ya Kagera Sugar na baadaye kuelekea Songea kumalizana na Majimaji.

"Hatuna haja ya kujiachia, tunaenda kutafuta pointi 9 zilizobaki tukianzia na Singida United kisha za mechi nyingine mbili, Simba haihitaji kufungwa msimu huu" amesema Kichuya.