ZILIVYOKUWA MBWEMBWE ZA MASHABIKI WA SIMBA PALE NAMFUA STADIUM

Mashabiki wa Simba walionyesha kila aina ya mbwembwe wakati basi la wachezaji wao likiingia kwenye Uwanja wa Namfua mjini Singida.

Walichofanya ni kulisindikiza basi hilo taratibu kwa mwendo wa harusi, wengine wakiwa mbele, nyuma na pembeni huku basi hilo likifuata mwendo wa mashabiki hao waliokuwa na furaha ya ubingwa wakiwa na mechi tatu mkononi.

Basi hilo lilikuwa limebeba wachezaji wa Simba ambao ni mabingwa wapya wa Ligi Kuu Bara na walikuwa wanaingia uwanjani kuwavaa Singida United.

Simba ilifanikiwa kushinda mchezo huo kwa bao 1-0 na kuifanya Singida United ishindwa kulipa kisasi cha kufungwa 4-0 jijini Dar es Salaam.