Beki wa timu ya Yanga, Gadiel Michael, amefunguka kwa kutoa shukrani zake kwa mabosi wa klabu yake kutokana na uwepo wake ndani ya mabingwa hao wa kihistoria katika Ligi Kuu Bara.
Gadiel alifunguka kwa kuandika mambo kadhaa wakati timu yake kabla haijashuka dimbani jana kukipiga na Mtibwa Sugar ambao waliibuka na ushindi wa mabao 2-1.
Mchezaji huyo alieleza kuwashukuru pia mashabiki na wachezaji wenzake ambao wamemfanya kupata heshima tangu aanze kuichezea timu hiyo.
"Napenda kutoa shukrani zangu na asante kwa klabu yangu hii kwa heshima ninayoipata toka kwa viongozi, mashabiki na wachezaji wenzangu, toka mwanzo mpaka sasa tunaingia katika msimu mpya wa ligi.
Nimekuwa na furaha na amani inayonipa nguvu ya kupigania club hii. Nitaendelea kuipigania na kujitolea kila nipatapo nafasi katika timu, haijalishi magumu tunayopitia kwani nyakati ngumu hazidumu maisha"
Pongezi ziwafikie wachezaji wooote kwa ujumla wao kwa namna walivyoanza vyema ligi na kila LA kheri katika kutetea heshima ya kuwa mabingwa wa historia wa ligi kongwe Tanzania
ReplyDelete