Wakati mtanange wa tamasha kubwa la Simba Day likisubiriwa kwa hamu na wanachama, wapenzi, mashabiki na wadau wa klabu hiyo, Nahodha wa kikosi hicho John Bocco atakosekana dimbani leo.
Kwa mujibu wa mkuu wa benchi la ufundi, Kocha Patrick Aussems, ameeleza Bocco atashindwa kuwavaa Kotoko kutokana na hali yake kiafya kuwa si rafiki.
Aussems amesema Bocco bado ni majeruhi, hivyo katika mechi dhidi ya Asante Kotoko hataweza kuwa sehemu ya kikosi.
Ikumbukwe Bocco hakuweza kucheza mchezo hata mmoja wa kirafiki kati ya mbili walizocheza wakati Simba ikiwa nchini Uturuki kwa kambi ya wiki mbili.
Simba itashuka dimbani majira ya saa 10 kukipiga na Kotoko katika tamasha hilo kubwa ambalo hufayika kila mwaka ifikapo Agosti 8.
Hii ndio raha ya kokosi kipana cha wanaumi. Atakosekana Bocco lakini wapo wengi badili yake na tunamuombea duwa Bocco kutengenea hali yake mapema iwezekanavyo
ReplyDelete