MTIBWA WATOA KITISHO YANGA

Na George Mganga

Uongozi wa Mtibwa Sugar umewatambia Yanga ukiwataka wajiandae kisaikolojia ya kupokea kichapo leo kwenye mchezo wa Ligi Kuu Bara.

Mtibwa watakuwa wanakipiga na Yanga kwenye Uwanja wa Taifa, Dar es Salaam kuanzia saa 12 jioni ya leo.

Kwa mujibu wa Msemaji Mkuu wa Mtibwa, Thobias Kifaru, ameeleza kuwa wao wamekuja kuwika mjini kama ambavyo msemo wa Jogoo wa Shamba hawiki mjini umekuwa ukisema ila wao wameamua kuubadili.

Kifaru anaamini wataonesha upinzani wa maana leo ili kuwazuia Yanga kuanza mbio za kuwania ubingwa ambao waliukosa msimu uliopita.

Tayari kikosi cha Mtibwa kipo jijini Dar es Salaam kwa mchezo huo unaosubiriwa kwa hamu na wadau wengi wa soka la hapa nchini.