YANGA WAPIGA DUA YA MAANA MAKAO MAKUU, WAWEKA SABABU HADHARANI

Uongozi, wachezaji na baadhi ya wanachama na wadau wa klabu ya Yanga, jana wamekutana kunako makao makuu ya klabu hiyo kwa ajili ya kupiga dua maalum kuelekea msimu ujao wa Ligi Kuu Bara.

Yanga wameamua kufanya hivyo ikiwa leo kikosi cha timu hiyo kinashuka dimbani Uwanja wa Taifa kwa ajili ya kuanza pazia rasmi la ligi kwa kucheza dhidi ya Mtibwa Sugar.

Ukichana na kuelekea kipute hicho, Yanga wameamua kupiga dua hiyo kwa ajili ya kuwaombea wadau wote wa klabu ambao tayari wameshatangulia mbele za haki.

Hatua hiyo imekuja kwa lengo la kuonesha kuwa inawakumbuka wote ambao waliwahi kuwa sehemu ya kuisaidia klabu hiyo kufikia hapa ilipo mpaka sasa.

Mechi baina ya Yanga na Mtibwa itaanza majira ya saa 12 za jioni ikiwa leo ni Eid II kwa ajili ya kuwapa burudani wapenda mpira.