Kocha mkuu wa timu ya Alliance, Mbwana Makata amesema wameamua kuweka kambi Pwani,nje kidogo ya Dar es Salaam kwa ajili ya maandalizi dhidi ya Simba siku ya Jumatano uwanja wa Taifa.
Makata amesema walishindwa kupata matokeo mbele ya Yanga na kufungwa mabao 3-0 kutokana na safu ya ushambuliaji kutokuwa makini .
"Tulitengeneza nafasi nyingi ila safu ya ushambuliaji ilikwama kumalizia, hilo nimeliona na ninalifanyia kazi ndio maana nimeamua kuweka kambi nje ya Dar kuweza kuikabili Simba.
"Simba ni kikosi kizuri,kina wachezaji makini ambao wanahitaji matokeo , nami pia wachezaji wangu wana uwezo wa kushindana nitakachokifanya ni kuwajenga kisaikolojia ili kuweza kuwa makini," alisema.
Alliance ni moja ya timu za Ligi Kuu Bara zinazotumia vijana wengi na zizsizokuwa na mstaa kwa wingi.
0 COMMENTS:
Post a Comment