Uongozi wa timu ya Simba umesema kuwa hawana ugomvi na timu ya Yanga kwa kuwa wanashirikiana katika masuala muhimu ya maendeleo, ushindani wao upo uwanjani.
Ofisa habari wa timu ya Simba, Haji Manara amesema Yanga ni watu muhimu kwa Simba kwani waliungana nao kufanya dua katika matatizo waliyoyapata hali iliyoleta matokeo mazuri kwa kuwa dua zimejibiwa.
"Yanga ni watu wetu wa karibu hatuna ugomvi nao,wameungana nasi katika kipindi kigumu ambacho tumepitia ,dua zao zimesaidia mpaka kupatikana kwa muwekezaji wa timu yetu Mohamed Dewji "Mo" , hivyo hatuna ugomvi nao," alisema.
Mo Dewji alitekwa Oktoba 11, mwaka huu na watu wasiojulikana . Alikuwa anaingia gym kwa ajili ya mazoezi katika eneo la Hoteli ya Collosium iliyopo jijini Dar es Salaam.
Siku tisa baadaye alikutana akiwa ametelekezwa katika eneo la Gymkhana jijini Dar es Salaam.
Wadau mbalimbali wa michezo waliungana kumuombea Mo Dewji arejee akiwa salama.
Ni kweli sisi na Yanga ni ndugu tunaoshirikiana nao katika mambo ya kijamii upinzani wetu ni uwanjani tu.
ReplyDeleteSisi Yanga ni waungwana, kabisa lakini wao Mikia Fc walimkashifu sana Manji!
ReplyDelete