Aliyekuwa kiungo mshambuliaji wa timu ya Manispaa ya Kinondoni, KMC Abdulhalim Humud ameibuka na kusema kuwa uongozi umemchafua kwa kumpa kashfa ya kuwashawishi wake za wachezaji wenzake ili awe nao kwenye mahusiano.
Uongozi wa KMC uliamua kumruhusu Humud kuwa mchezaji huru baada ya yeye mwenyewe kuomba iwe hivyo kutokana na kile kilichoelezwa ni utovu wa nidhamu alioufanya ndani ya klabu ikiwa ni pamoja na kusahau vifaa vya michezo Dar es Salaam wakati timu ilipocheza na Coastal Union pamoja na kuwasumbua wake wa wachezaji wenzake.
"Wameamua kunichafua jambo ambalo sijalipenda kabisa, nimefundishwa kutojipendekeza kwa mwalimu wala kutotoa rushwa hasa kutokana na baadhi ya viongozi kutaka asilimia kumi kwenye mshahara, nikaamua kujitenga pembeni, nina mke mzuri kuliko wachezaji wote pale KMC," alisema.
Kwa upande wa uongozi wa KMC kupitia Ofisa habari Anwar Binde, umesema kuwa Humud anapaswa atambue kuwa uongozi umesimamia kweli kwa kuwa ushahidi upo wa maandishi pamoja na wake ambao walishawishiwa wapo.
"Asitafute huruma kwa sasa, kama anataka haki basi aende mahakamani kwa kuwa ushahidi upo na KMC ni taasisi inayojiendesha kwa utaratibu, masuala ya malipo kumbukumbu zipo za kila mchezaji iwe alilipwa pesa taslimu ama alilipwa benki," alisema
Inawezkana ikawa kwel au la, lkn historia ina muhukum Humud, kwa nn Hadumu kweny team mbalimbali? katika top teams ni Yanga tuu hajacheza, lkn hakai kwny team muda mrefu, inawzkana nako ni tabia hizi au la!
ReplyDeletekuna baadhi ya wachezaj ambao hutaman wazeeke, ni pamoja na Humud,lkn ana vitu vingi nje ya uwanja vinamtoa mchezoni, atulize akili japo umri ndio vilee haumsubiri
ReplyDeleteAnasema ana mke mzuri kuliko wachezaji wote pale KMC wote, swali la kujiuliza amewajuaje?
ReplyDelete