KIPA YANGA AMVAA KINDOKI, HIKI HAPA AMESEMA

Kipa wa zamani wa Yanga na timu ya Taifa ya Tanzania, Manyika Peter, amefunguka kuwa kipa Klaus Kindoki hana sifa ya kuidakia Yanga kwani ana uwezo mdogo.

Kindoki raia wa DR Congo juzi alifanya makosa yaliyosababisha Mwadui kupata bao la kusawazisha, wakati akijiandaa kudaka mpira uliopigwa na Charles Ilamfya ulimgonga kifuani na kumkuta Salim Aiyee akauingiza kambani.

Manyika amesema Kindoki ambaye mpaka sasa ameruhusu mabao manne katika mechi tatu alizodaka hakuonyesha uwezo mzuri huku mabao mengi aliyofungwa yakitokana na uwezo wake mdogo.

"Kindoki hana sifa ya kuchezea Yanga kwa sababu kiwango chake ni cha kawaida, Yanga waache tabia ya kuwaamini wachezaji kutoka nje kwa sababu yule Kindoki anaonekana ni mvivu wa mazoezi haiwezekani wenzake wacheze vizuri kuliko yeye wakati mwalimu ni mmoja," alisema.