IDDY PIALALI AMPIGA MKWARA BONDIA HUYU RAIA WA MALAWI

BONDIA wa ngumi za kulipwa nchini, Iddy Pialali, amepania kumchakaza mpinzani wake William Masamba raia wa Malawi, watakapokutana kwenye pambano lao Januari 26, mwaka huu jijini Dar es Salaam.

Pialali amesema tayari yupo kambini kwa ajili ya kufanya mazoezi ya nguvu kujihakikishia ubingwa wa pambano hilo.

“Mazoezi yanakwenda vizuri, nasimamiwa na kocha wangu, Edward Emanuel, nitapigania uzito wa kilogramu 66, naahidi kumtandika kisawasawa mpinzani wangu.

“Mashabiki nawaomba wajitokeze kwa wingi siku hiyo, uzito tutapima Januari 25 siku itakayofuata ndio vita dhidi yangu na Mmalawi, ajiandae kuchakazwa,” alisema.