YANGA YAANDIKA REKODI YA AJABU SPORTPESA

Kikosi cha Yanga kwa mara ya tatu kimeshiriki mashindano haya na hakijabahatika kufika hatua ya fainali zaidi ya kuisha nusu fainali tena msimu wa mwaka 2017.

Katika timu ambazo zimefungwa mabao mengi ndani ya dakika 90 kwenye hatua ya robo fainali Yanga wanaongoza kwani walifungwa mabao 3-2 na KK Sharks.

Taswira inaonesha kama Yanga wamekuwa hawajayachukilii maanani mashindano haya sawa na Simba ambao hata yaliyopita kule Nakuru walipeleka kikosi cha pili.

Licha ya kuchapwa mapema katika mechi ya kwanza, Simba nao walikuja kupoteza ndoto zao kwa kufungwa 2-1 na Bandari huku wakiongoza kila kitu katika mchezo huo.

Wadau na mashabiki wengi wa soka hapa nchini wamewataka viongozi wa klabu hizo kubwa mbili kujitazama upya kwa ajili ya michuano hii ambayo imekuwa ikifanyika kila mwaka.