AFRICAN LYON KWENYE MTIHANI MWINGINE LEO UHURU

AFRICAN Lyon mchezo wao uliopita wakiwa nyumbani walipoteza wakiwa nyumbani dhidi ya Azam FC kwa kukubali kufungwa mabao 3-1.

Leo wanashuka Uwanjani tena kuikaribisha JKT Tanzania ambayo iliibuka kidedea mchezo wake wa mwisho dhidi Coastal Union.

Lyon kwa sasa wanaburuza mkia wakiwa nafasi 20 wamecheza michezo 28 wamejikusanyia pointi 21 huku wapinzani wao wakiwa nafasi ya 9 baada ya kucheza michezo 28 na kujikusanyia pointi 35.

Vita yao leo itakuwa kubwa kwani wanahitaji pointi tatu ili kujinasua kutoka nafasi ambayo wapo kwa sasa hivyo dakika 90 zitaamua.