YANGA: SIMBA WANAPENYA HATUA YA ROBO FAINALI LIGI YA MABINGWA AFRIKA

KOCHA Mkuu wa Yanga, Mwinyi Zahera amesema kuwa Simba wana nafasi kubwa ya kupenya kwenye hatua ya robo fainali kutokana na mwenendo wa kikosi hasa baada ya kuwatungua waarabu Al Ahly kwenye mchezo wa marudio bao 1-0.

Simba wanawakilisha Taifa kwenye michuano ya Ligi ya Mabingwa leo wanatarajia kukwea pipa kuifuata JS Saoura nchini Algeria wakiwa na kumbukumbu ya kuwatungua mabao 3-0 Uwanja wa Taifa.

"Naona sasa Simba imekuwa na makali, uwezo wake wa kupenya hatua ya robo fainali ni mkubwa hasa ukizingatia wameanza kujijenga kisaikolojia na wana cheza vizuri, napenda kuona wanapeta na napenda kuona wanafika hatua ya robo fainali huko watakutana na mengi," amesema Zahera.

Simba wanashika nafasi ya pili kwenye kundi D wakiwa na pointi sita, wapinzani wao JS Saoura wapo nafasi ya tatu huku anayeburuza mkia ni AS Vita akiwa na pointi nne na kinara wao ni Al Ahly mwenye pointi saba.