MBABE WA KAGERE NA MAKAMBO APANIA KUFUNGA MABAO MWANZO MWISHO, AWATAJA WALIO NYUMA YAKE

MSHAMBULIAJI wa kikosi cha Mwadui FC, Salum Aiyee ambaye amewapiga bao Heritier Makambo kwa kutupia mabao pamoja na Meddie Kagere wa Simba amesema kuwa atatupia mabao msimu huu mpaka achoke kutokana na aina ya wachezaji wanaomzunguka.

Aiyee ametupia mabao 15 mpaka sasa huku Makambo na Kagere wakiwa na mabao 12 kwenye akaunti yao ya mabao hali ambayo inamfamya mtanzania kuongoza jahazi la wafungaji kwa sasa.

Akizungumza na Saleh Jembe amesema anaona ushindani ni mkubwa kwenye ligi ila hilo halimpi wasiwasi kutokana na aina ya wachezaji ambao wanamzunguka anaamini atafunga mabao mengi.

"Hata mabao 50 mpaka 100 nitatupia kila ninapopata  nafasi, uwezo ninao na nia ninayo, kikubwa wachezaji ambao wananizunguka ikiwa ni pamoja na Ditram Nchimbi wote wana akili ya kucheza mpira.

"Sina hofu nikiwa Uwanjani najiamini na mwalimu anakubali kazi yangu nitapambana kuona naibeba timu yangu kila mchezo tutakaocheza," amesema Aiyee.