KASI aliyonayo mshambuliaji wa Simba, Meddie Kagere katika utupiaji mabao umemfanya straika wa Yanga, Amissi Tambwe aseme kuwa ndiye atakuwa mfungaji bora na rekodi yake ataivunja.
Tambwe anashikilia rekodi ya kufunga mabao 21 msimu wa 2015/16 katika michuano ya Ligi Kuu Bara na tangu msimu huu hakuna mchezaji aliyewahi kuiļ¬ kia rekodi hiyo.
Kabla ya mechi ya jana ya Simba dhidi Kagera Sugar, Kagere alikuwa amefunga mabao 20, hivyo alikuwa anahitaji kufunga mawili ili kuvunja rekodi ya Tambwe.
Sasa kutokana na kasi ya Kagere katika kufumania nyavu, imemfanya Tambwe akubali wazi kwamba staa huyo wa Simba atavunja rekodi yake na ndiye ataibuka mfungaji bora msimu huu.
Tambwe ameliambia Championi Jumamosi kuwa, kwa sasa hakuna tena mchezaji ambaye anaweza kumzuia Kagere asiwe mfungaji bora lakini pia anaamini ataivunja rekodi yake hiyo ya mabao 21.
“Kagere ndiye atakayekuwa mfungaji bora msimu huu, lakini pia ndiye atakayeivunja rekodi yangu ya mabao 21 baada ya msimu uliopita Emmanuel Okwi kushindwa kuivunja.
“Kasi yake ya kuzifumania nyavu ni kubwa sana ukilinganisha na wachezaji wengine lakini pia Simba bado ina mechi nyingi ukilinganisha sisi, ukiachana na mchezo wa leo (jana) dhidi ya Kagera Sugar, watakuwa wamebakiza mechi sita tu, “alisema Tambwe.
Huyu kocha anatakiwa asimamiwe asiachiwe yeye...kusajili wachezaji kwani asije akaleta magharasa lazima alete wachezaji wa hali ya juu...wachezaji wa ndani hao pia wawe wa hali ya juu pia!
ReplyDelete