LIGI Kuu England, kesho inatarajiwa kufika kikomo kwa msimu wa mwaka 2018/19 ambapo vita kali za ubingwa ni kwa timu mbili, pia vita ya kutwaa kiatu cha ufungaji bora ni kwa timu mbili pia.
Manchester City ambao ni vinara na mabingwa watetezi wana pointi 95 kesho watamenyana na Brighton huku Liverpool ambao wao wapo nafasi ya pili watamenyana na Wolves wana pointi 94.
Kwa upande wa vita ya ufungaji bora, mshambuliaji Mohamed Salah ni kinara kwa sasa akiwa ametupia jumla ya mabao 22 na ametoa jumla ya pasi za mwisho za mabao nane msimu wa mwaka 2016/17 alitwaa tuzo ya ufungaji bora alitupia jumla ya mabao 32.
Anayemfuatia kwa karibu ni mshambuliaji wa Manchester City, Sergio Aguero ambaye ana mabao 20 na pasi za mwisho nane, mara yake ya mwisho kutwaa tuzo ya ufungaji bora ilikuwa ni msimu wa mwaka 2014/15.
Nafasi ya tatu inashikiliwa na Pierre Aubameyang wa Arsenal yeye ametupia mabao 20 na pasi tano za mabao sawa na Sadio Mane wa Liverpool mwenye mabao 20 na ametoa pasi moja ya bao, namba tano ni Jamie Vard wa Leicester City ametupia mabao 18 na ana pasi nne za mabao.
0 COMMENTS:
Post a Comment