Na George Mganga
Akiwa amebakiza mechi tatu pekee kumaliza mechi za Ligi Kuu Bara msimu huu, Kocha wa klabu ya Yanga, Mwinyi Zahera, amesema wako kwenye mikakati ya kusajili wachezaji nane.
Akizungumza kupitia Radio EFM hivi punde, Zahera ameeleza wana malengo hayo ili kukiimarisha kikosi chao kutokana na mapungufu yaliyojitokeza ndani ya msimu huu.
Katika wachezaji hao nane aliowataja, Zahera amesema wanne watatoka nje ya nchi na wengine watasajiliwa kutoka hapa Tanzania.
Kocha huyo ambaye amekuwa akiviteka vichwa vya habari za michezo tangu atue Yanga, ana imani Yanga ya msimu ujao itakuwa ni moto wa kuotea mbali tofauti na ya sasa.
"Tuna mpango wa kusajili wachezaji nane baada ya msimu kumalizika.
"Kwa sasa tumebakiza mechi tatu kumaliza ligi.
"Tunategemea kukamilisha usajili huo maana mikakati tayari imeshaanza."
Huyu kocha anatakiwa asimamiwe asiachiwe yeye...kusajili wachezaji kwani asije akaleta magharasa lazima alete wachezaji wa hali ya juu...wachezaji wa ndani hao pia wawe wa hali ya juu pia!
ReplyDeleteMwandishi kihande wewe wako wapi waliotajwa
ReplyDelete