TFF KUTOONGEZA SIKU ZA USAIJILI KWA TIMU BONGO

SHIRIKISHO la Soka Tanzania (TFF) limezitaka timu zote zinazoshiriki Ligi Kuu Bara pamoja na zile zinazoshiriki Daraja la Kwanza kukamilisha usajili wake mapema kabla ya dirisha la usajili kufungwa.

Ofisa Habari wa Shirikisho la Soka Tanzania, Clifford Ndimbo amesema kuwa hakutakuwa na muda wa kuongeza na zimebaki siku 10.

“Timu zote zinapaswa zisajili wachezaji wao kisha zikamilishe na usajili wa mtandao ambao ni Tanfootabll Connect kabla ya tarehe 31 ambapo dirisha litafungwa.

“Dirisha likifungwa hakutakuwa na muda wa kuongeza kwani siku kwa sasa zimebaki chache wanapaswa wakumbuke kutimiza majukumu yao," amesema.