KOCHA SINGIDA UNITED ALIA NA UBUTU WA WASHAMBULIAJI

FELIX Minziro, Kocha wa Singida United amesema kuwa kikosi chake kwa sasa kimeanza kupata taabu ndani ya Ligi Kuu Bara kutokana na kutokuwa na safu kali ya ushambuliaji.

Akizungumza na Saleh jembe, Minziro amesema kuwa tatizo hilo lilikuwa gumu tangu kwenye maandalizi ya awali jambo lililowafanya washindwe kushinda mchezo hata mmoja wa kirafiki.

“Najua kwamba nina kazi kubwa ya kupata matokeo msimu huu ila wengi wanashindwa kuelewa kwamba tatizo hili limekuwa la muda mrefu tangu wakati wa maandalizi ya awali ila kwa sasa nimepata dawa.

“Tutapambana kupata matokeo kwenye michezo yetu mingine inayofuata kwani kwa sasa ligi ndio inaanza na wachezaji bado hawajazoeana vizuri,” amesema Minziro.

Mchezo wa kwanza wa Singida United ilipoteza kwa kufungwa bao 1-0 na Mwadui FC ina kazi tena Septemba 14 mbele ya Namungo FC.