SINGIDA UNITED YATUMA UJUMBE MZITO KWA NAMUNGO FC, YATAJA KINACHOWAMALIZA KWA SASA

UONGOZI wa Singida United umesema kuwa kwa sasa hasira zao zinaelekezwa kwenye mchezo wao wa pili wa ligi utakaochezwa Septemba 14 dhidi ya Namungo FC.

Akizungumza na Saleh Jembe, Kocha Mkuu wa Singida United, Felix Minziro amesema kuwa kwa sasa wanapata taabu kupata matokeo kutokana na kutokuwa na muunganiko mzuri wa kikosi.

"Tumefanya usajili mkubwa karibia wachezaji wengi ni wageni ndani ya kikosi na bado hawajazoeana jambo linalofanya tushindwe kupata matokeo chanya.

"Wakati ukifika kila kitu kitakuwa sawa na mashabiki wenyewe watatupenda kabisa waendelee kutupa sapoti," amesema.

Mchezo wa ufunguzi Singida United ilipoteza kwa kufungwa bao 1-0 dhidi ya Mwadui FC.

Namungo FC yenye maskani yake Lindi mchezo wake wa kwanza waliwanyoosha Ndanda FC kwa mabao 2-1.