ALIYEIPA POINTI TATU KMC BAADA YA DAKIKA 180 ATOA NENO KWA MASHABIKI

HASSAN Kabunda, kiungo mshambuliaji wa KMC   alivunja rekodi iliyowekwa na KMC ya kutopata ushindi ndani ya Ligi Kuu Bara kwa kufunga bao lake la kwanza msimu huu uwanja wa Azam Complex.

Kwenye michezo miwili ambayo ni sawa na dakika 180, KMC haikuambulia pointi wala bao mpaka ilipocheza na Namungo na kuibuka na ushindi wa bao 1-0.

 Hassan Kabunda amesema kuwa ushindani umekuwa mkubwa jambo linalowafanya waimarike taratibu.

"Kwa sasa bado ligi inaanza licha ya kushinda bado tuna kazi kubwa ya kufanya mbele huu ni mwanzo tu mashabiki watupe sapoti," amesema.

KMC imefungwa jumla ya mabao matatu kwenye mechi tatu ilizocheza mpaka sasa huku wao wakiwa wamefunga bao moja pekee.