MANCHESTER UNITED; TUTAPAMBANA KUPATA MATOKEO MECHI ZETU ZIJAZO

MARCUS Rashford, mshambuliaji wa kikosi cha Manchester United amesema kuwa kwa sasa watapambana kupata matokeo chanya kwenye michezo yao inayofuata.

Rashford alifikisha bao lake la 50 akiwa ndani ya Manchester United wakati timu yake ikishinda mabao 3-0 mbele ya Norwich City kwenye mchezo wa Ligi Kuu England.

"Tuna kazi kubwa ya kufanya kwa sasa tukiwa ni timu, engi ambayo tunatakiwa kufanya ni kwa ajili ya furaha yetu wenyewe pamoja na mashabiki.

"Kufunga ni kitu muhimu ambacho tunakifikiria hasa tukiwa ndani ya uwanja, kwa sasa kila mchezaji anaonyesha namna alivyo na mchango ndani ya timu ni suala la kuendelea kufanya vizuri tunalotarajia kwa sasa," amesema.

Mchezo wa United unaofuata wa Ligi Kuu England utakuwa dhidi ya Bournemouth.