MASHINE MPYA MBILI KUTUA YANGA, MMOJA ANATOKEA UD SONGO

Wakati ikiwa imeanza ligi msimu huu kwa kusuasua, inaelezwa kuwa mabingwa kihsitoria katika Ligi Kuu Bara, Yanga, wapo kwenye harakati za kusajili wachezaji wawili kuongeza makali ndani ya timu hiyo.

Mapendekezo yaliyopo kwenye dawati la Yanga kwa mujibu wa taarifa za ndani, zinasema mchezaji Luis Miquissone anayecheza nafasi ya kiungo UD Songo ameingizwa katika moja ya majina ya watakaosajiliwa msimu wa dirisha dogo.

Mbali na Miquissone, mchezaji mwingine anayetajwa ni Perfect Chikwende kutoka Platnum FC ya Zimbabwe ambaye inaelezwa yuko kwenye mikakati ya kusajiliwa na wakongwe hao.

Usajili unatajwa kuhitajika Yanga baada ya kuona mapungufu kadhaa yaliyoonekana kwenye mechi za awali za ligi ili kukifanyia maboresho zaidi kikosi cha timu hiyo.

Inaelezwa Yanga wamepanga kusajili wachezaji hao licha ya mechi za ligi, pia mechi za kimataifa ambapo sasa wapo kwenye Kombe la Shirikisho Afrika wakisubiri droo ya kupangiwa timu watakayokutana nayo.