UJUMBE WA JEMBE KUHUSU ISHU YA MWAKALEBELA

KUTOKANA na Makamu Mwenyekiti wa Yanga, Frederick Mwakalebela kusema anabebeshwa mzigo wa lawama kwa mambo yasiyomhusu kwa kudaiwa kuwa anaihujumu timu, Saleh Jembe amesema kuwa kuna umuhimu wa Yanga kumaliza tofauti zao.

"Tunajua kwamba Frederick Mwakalebela anajua masuala ya mpira na ana uzoefu kitaifa na kimataifa kwa sasa anapaswa apunguze jazba pamoja na hasira ili afanye kazi yake kwa umakini.

"Yanga inabidi iunganishe nguvu kuelekea kwenye masuala ya usajili, kwa sasa tunajua kwamba nini ambacho watakipata ikiwa watauvunja uongozi wakati huu? 

"Kipi ambacho wanakihitaji mpaka Mwakalebela aihujumu timu kwa ajili ya Lipuli? Tunatambua kwamba Mwakalebela ni mtu wa Iringa amewahi kugombea ubunge na amekuwa ni mtu muwazi sasa akiihujumu mbele ya Lipuli Yanga inasaka nini kama ni ubingwa imeshapoteza na mataji mengine yamepita sioni kama Mwakalebela anaweza kuihujumu Yanga kwa lipi?" Saleh Jembe kuhusu ishu ya Fredrik Mwakalebela.