MAPOKEZI YANGA MWANZA LEO OKTOBA 24 SI MCHEZO

 

KIKOSI cha Yanga leo Oktoba 24 kimewasili Mwanza ambapo kitakuwa na mchezo wa Ligi Kuu Bara dhidi ya KMC, kesho Oktoba 25.

Mchezo huo unatarajiwa kuchezwa Uwanja wa Kirumba saa 10:00 jioni kwa saa za Afrika Mashariki na kati.

Wakati Yanga ikitia timu Mwanza, mashabiki wengi walijitokeza kuipokea timu ya Yanga wakiwa kwenye misafara ya bodaboda na magari.

Yanga inavaana na KMC ikiwa na kumbukumbu ya kushinda bao 1-0 dhidi ya Polisi Tanzania inakutana na KMC ambayo imetoka kulazimisha sare ya kufungana bao 1-1 dhidi ya Ruvu Shooting.

Yanga ipo nafasi ya pili ikiwa na pointi 16 huku KMC ikiwa nafasi ya 6 ikiwa na pointi 11 kibindoni.