OKTOBA 26 SIMBA KAZINI TENA KWA WAJEDA

 

KIKOSI cha Simba kina kibarua kingine tena Oktoba 26 kumenyana na timu ya Ruvu Shooting ambayo nayo ni mwendo wa kijeshi ndani ya uwanja kama ilivyo Tanzania Prisons.

Simba wakiwa wametoka kuchezeshwa ligwaride na Tanzania Prisons Oktoba 22 Uwanja wa Nelson Mandela kwa kufungwa bao 1-0 wana kazi nyingine ya kufanya Uwanja wa Uhuru.

Kocha Mkuu wa Simba, Sven Vandenbroek amesema kuwa matokeo ambayo waliyapata nyuma ni sehemu ya mchezo hivyo watafanyia kazi makosa yao.

"Haikuwa kazi rahisi lakini tumeyapokea matokeo na kuona ni sehemu ya mchezo ndani ya uwanja hakuna wa kumlaumu katika hilo.

"Mashabiki waendelee kutupa sapoti nina amini kwamba mechi yetu ijayo tutafanya vizuri na kila kitu kitakuwa sawa," amesema.

Simba ipo nafasi ya tatu kwenye msimamo ikiwa na pointi 16 inakutana na Ruvu Shooting iliyo nafasi ya 10 na pointi zake tisa.