BEKI ARSENAL AKUBALI UWEZO WA DIJK

 

BEKI wa Arsenal Gabriel Magalhaes amesema kuwa amekuwa akimkubali sana beki Virgil van Dijk anatamani kucheza  dhidi yake pamoja na  Sergio Aguero.

 Gabriel amesajiliwa na Arsenal msimu huu akitokea katika Klabu ya Lille ya Ufaransa kwa kiasi cha pauni 27m.

 Gabriel amesema:“Katika mabeki ambao ni nawakubali sana  ni Van Dijk na nimefurahi nimecheza dhidi yake  jambo ni changamoto kwangu pia.

“Pia nimecheza dhidi ya Man City japo tulipoteza ila tulijifunza  mengi kutoka kwao. Nikacheza dhidi  ya mchezaji bora Aguero ambaye mabeki wengi wanatamani kucheza naye na kujua ni staili ipi wanaweza kucheza naye.

“Tumeshacheza na  timu kubwa na tumejifunza mengi na kuangalia wapi tunatakiwa kufanya marekebisho hasa tunapokuwa uwanjani.

 “Lakini kwa ujumla ligi hii  ina ushindani sana kuliko kawaida na ndiyo maana nilichagua kuja Premier League.

 Hata hivyo, Gabriel  alieleza kuwa wakati anakipiga katika Ligue 1 straika ambaye alikuwa akimsumbua zaidi alikuwa ni Kylian Mbappe wa PSG.