SIMBA YAICHAPA MAJIMAJI 5 G KWA MKAPA, SVEN AWAKA

KLABU ya soka ya Simba kwenye mchezo wa kombe la FA imeibuka na ushindi wa mabao 5-0 dhidi ya  Majimaji ya Songea.

Simba inayonolewa na Kocha Mkuu, Sven Vandenbroeck raia wa Ubelgiji ambaye leo amekuwa mbongo licha ya timu yake kushinda ilianza kwa kasi kipindi cha kwanza na kupata ushindi.

Bao la kwanza lilifungwa na beki wa Simba Gadiel Michael dakika ya 3 baada ya Said Ndemla kupiga shuti kali lililogonga mwamba na kukutana na Gadiel ambaye alikuwa nahodha kwenye mchezo wa leo.

Mshambuliaji aliyeanza kikosi cha kwanza leo Chris Mugalu alipachika bao la pili dakika ya 16 na liliwafanya waende kwenye vyumba vya kubadilishia nguo wakiwa wameshinda mabao mawili.

Kipindi cha pili beki wa kati Ibrahim Ame alipachika bao la tatu dakika ya 78 na mshambuliaji namba moja wa Simba, Meddie Kagere alipachika bao dakika ya 78.

 Wakati Majimaji ambao walikuwa wakifanya mashambulizi kwa kumtumia Ismail Mussa wakiamini kwamba mchezo umekamilika Luis Miquissone alifunga bao la tano dakika ya 88.

Ushindi huo unaifanya Simba kutinga hatua ya nne baada ya kuiondoa Majimaji leo ambayo inashiriki Ligi Daraja la Kwanza.

Sven amesema:"Sitaki kuskia wachezaji wangu wakikosolewa kwa kuwa wanafanya kazi kubwa kweli,".